المنتدى الطلابي الأول في طرطوس .. والحاضر يعلم الغايب


    حدا...؟

    شاطر
    avatar
    Alishoo-M
    مشرف عام

    ذكر
    عدد المساهمات : 4933
    العمر : 31
    المكان : فسحة سماوية/طرطوسية
    المزاج : والله ...حسب !!!
    الدراسة : اقتصاد
    السنة الدراسية : متخرج
    المستوى : 138
    نقاط : 6070
    تاريخ التسجيل : 11/10/2008
    20042012

    حدا...؟

    مُساهمة من طرف Alishoo-M

    حدا ..

    الصبح بكير .. و لسه الشمس عم تفرك عيونها لتصحصح .. متلي

    برد كتير عم يتقاتل مع دفا تختي ليجبرني فيق ..
    ودعت بطانيتي و سلمت بجفاصة بإيديي ع المي الباردة و ردتلي بكف ع وجهي كعقوبة ..!!
    و بعد فنجان شاي عم يغني ناطرني ل ندندن سوا فيروز (سأل الحلو) .. نزلت من البيت ..

    بطرف هداك الشارع ، حدا ، عم يعيط للشمس تعي بسرعة بردااان ، و جنبه تنكة
    حطب عم تحرق ذكرياته معاها و هالنار مليانة شوق لحضن أمه أو
    بوسة ابنه أو ضحكة أمه .. مدري جوعان ، تعبان،زعلان مدري نسي أي شعور بعد ما صار الزهد بروحه من مسلمات الأمور ..
    و هالبارودة المتكية جنبه ناطرة أمر لتحكي ، بس طول هالأمر و نست البارودة حالا بهالغدر و اليأس ..

    و ركبت سيارتي .. و شغلت الراديو .. و أول جملة طلعت : "أحب دمشق"
    و دارت الدواليب بكسل .. و صرت جنبه ل هالحدا .. ما خاف !
    ما اتحرك !
    شفت بعيونه موت منتظره بأي لحظة .. صبحت عليه و اتمنيته يدفا بمحبتي ..
    ردلي بإيد زعلانة ، نفسا هي الإيد يلي رح تدافع عني بسعادة و رضى ..
    و رحت ..
    و ماعاد أعرف اذا برجع أنا أو بيبقى هوي ..

    إي هيك صرنا .. عمرنا لحظة ..
    مدري لحظة وداع لحدا .. مدري لحظة حدا رح يودعنا
    ..

    منقول


    ======================================================



    تابعونا في صفحة اقتصاديوسوريا على الفيس بوك
    مُشاطرة هذه المقالة على: diggdeliciousredditstumbleuponslashdotyahoogooglelive

    avatar

    مُساهمة في الجمعة أبريل 20, 2012 3:17 am من طرف تربية معلم صف

    هاد الحدا هو نفسه الحدا اللي وصل سوريا بعزيمته وصبره وصموده لهون .
    avatar

    مُساهمة في الجمعة أبريل 20, 2012 3:19 am من طرف mousa00

    صارت الحياة عبارة عن لحظة وما بتعرف ايمت بتخلص هاللحظة

    مشكور عليشو
    avatar

    مُساهمة في الجمعة أبريل 20, 2012 11:52 am من طرف lady moon

    هالحدا , هوي يلي عطى الأمان لكل حدا فينا ..
    هالحدا , هوي يلي علّم ,حدا قطر, كيف بيكونوا الرجال ..!

    مشكور جداً للنقل ..
    avatar

    مُساهمة في السبت أبريل 21, 2012 1:49 pm من طرف Zeinab.A

    هاد الحدا نفسو يلي منتمنى كل يوم نقبل جبينو و هاد الحدا هو نفسو يلي كل يوم مننحني اجلالا لتضحياتو............
    يعطيك العافية أليشو .


      الوقت/التاريخ الآن هو الإثنين يوليو 23, 2018 11:27 am