المنتدى الطلابي الأول في طرطوس .. والحاضر يعلم الغايب


    دبابيس أب جملو : حزب اللذة الوطنية اللاشعبي

    شاطر
    avatar
    فور جامعة
    جامعي جديد

    ذكر
    عدد المساهمات : 31
    العمر : 30
    المكان : 4jam3a
    الدراسة : اقتصاد
    السنة الدراسية : متخرج
    المستوى : 1
    نقاط : 99
    تاريخ التسجيل : 17/03/2013
    10042013

    دبابيس أب جملو : حزب اللذة الوطنية اللاشعبي

    مُساهمة من طرف فور جامعة

    بقلم : أب جملو


    هذه الكلمات من مخيلة الكاتب ولا تمت للواقع ب بصلة ولا براس توم

    بسبب كثرة الأحزاب من جماعة كل مين حزبو الو ونشدد بلأخص على حزب الضراط ع البلاط وحزب الضراط ع المتكي مافي أهون منو وحزب العلاكين الأحرار الي ما عم يعملو أي شي بفيد البلد غير انهن يعارضو بعض. قررت أنا و بالإجماع من جميع أعضائي وخصوصا الأذن و الأنف و الحنجرة تشكيل حزب اللذة الوطنية الداعي الى التلذذ بمشاعر الشعب ومراقبة تعابير وجوههم أثناء إعطائهم وعودنا الخلبية بإصلاح أمتنا الأبية المكونة من شرفاء وأبرياء وعلي بابا والحرامية .... نحن سنصطنع المحال ونخلصكم من الفساد والإهمال وسنمحو الأمية والجهال، سنرفه المواطن ونسكنه قصور فوق التلال ولكل مواطن سيارة أيسير في بلدنا مواطن؟!! هذا محال، وسنزوجه اليسا وهيفا وشاكيرا ذات الحسن والجمال وراتبه من ذهب ملئ بالجرار والسلال والمشافي خمس نجوم وكلو عال العال، فتدمع عين المواطن من فرط اللذة، سترفهونني وعلى الكافيار واللحم أتغذى وفي أفضل الجامعات يدرس من كان للكبد فلذة ....... وتستمر المعاناة في هذه الحياة مع دموع ملؤها الآهات.

    ملاحظة : اشتقتلك بس عزة نفسي شرشحتني

    مُشاطرة هذه المقالة على: diggdeliciousredditstumbleuponslashdotyahoogooglelive

    avatar

    مُساهمة في الخميس أبريل 11, 2013 8:17 pm من طرف lamis na

    بس شوبدنا بالحكي اغرورقت عيناي بالدموع من كثرة إعجابي بطموحات حزبكم الكريم وقررت الانضمام إليه بعد ان اموت بشكل مباشر.. .. \
    أما الآن فقط جل ما أريده هو تهنئتك على هذه القدرة الإبداعية واللغوية الساخرة

    تحياتي الك أب جملو
    avatar

    مُساهمة في الجمعة أبريل 12, 2013 12:03 am من طرف الكميت

    يا هيك الاحزاب يا بلا يا ايو جملو
    avatar

    مُساهمة في السبت أبريل 13, 2013 5:11 pm من طرف أب جملو

    لميس تسلمي يا رب بس هاد هو الواقع المرير الي عمنعايشو بهزل وسخرية كل صباح
    avatar

    مُساهمة في السبت أبريل 13, 2013 5:13 pm من طرف أب جملو

    خيي كميت انا عينتك المسؤول الترفيهي في قسم التعذيب عندي في حزبنا العظيم بتحب ترفه الاعضاء عبساط الريح علدولاب عكرسي الكهربا.... طبعا الكهربا مقطوعة بس في بطاريتين ورافع جهد... والله لنكيف
    avatar

    مُساهمة في السبت أبريل 13, 2013 7:58 pm من طرف الكميت

    أييييليييه مأحلا هالمنصب
    عيني هنت عيني
    والله ولرفهن أحلا ترفيه ماينسوه بحياتن
    ولنكيف أحلا تكييف
    avatar

    مُساهمة في السبت أبريل 13, 2013 8:00 pm من طرف أب جملو

    هههههه بس بدي ياك تكون قد الحمل والمسؤولية
    avatar

    مُساهمة في الخميس أبريل 18, 2013 2:18 am من طرف lady moon

    كمان لازمنا تقديم طلبات للعضوية ؟!؟!
    تحية لمخيلة الكاتب ..
    ان شالله ستين بصلة براس توم

    avatar

    مُساهمة في الجمعة أبريل 19, 2013 4:28 am من طرف أب جملو

    تقديم الطلبات امر مفروغ منه بلاضافة لصفات مثل النذالة والسرقة العلنية
    نورتي بمرورك
    avatar

    مُساهمة في الجمعة أبريل 19, 2013 11:33 pm من طرف silver.moon

    هههههههههه يا سلام أما شو حزب ولا احلى من هيك :like: ...بس انا اكتر شي حبيتو الملاحظة الاخيرة ههههههه
    avatar

    مُساهمة في الجمعة أبريل 19, 2013 11:45 pm من طرف أب جملو

    فعلا عزة النفس هي السبب الاول والاخير للشرشحة
    avatar

    مُساهمة في الإثنين أبريل 22, 2013 2:57 am من طرف Zeinab.A

    أنا واثقة انو هيك حزب رح يسقط النقطة من أول اجتماع ويصير حرب التلذذ بمشاعر الشعب ..
    حياك الله أب جملو
    avatar

    مُساهمة في الإثنين أبريل 22, 2013 3:13 am من طرف أب جملو

    اهلا فيكي يا زيب... جزب فعلو بناء

      الوقت/التاريخ الآن هو الثلاثاء أبريل 24, 2018 4:36 pm